Albaniye: besh Uyghurning mesilisi xitay - albaniye munasiwitige tesir körsetmeydu


2006-05-15
Share

Albaniye metbu'atlirining xewer qilishiche, albaniye tashqi ishlar ministiri mustafayich, albaniye da'iriliridin siyasi panaliq tiligen we bu sewebtin xitay da'irilirining naraziliqini qozghighan, gu'entanamodin kelgen 5 neper Uyghur musapirning mesilisi jonggo - albaliniye munasiwitige tesir körsetmeydighanliqini bildürgen.

Xitay da'iriliri amérika dölet mudapi'e ministirliki teripidin térrorchi emes, dep aqlan'ghan 5 Uyghurni térrorluq teshkilat ezasi, dep eyiblimekte we albaniye hökümitidin ularni xitaygha qayturup bérishni telep qilmaqta.

Xitay hökümiti ötken hepte xitay xelq qurultiyining Uyghur mu'awin mudiri isma'il emetni muxbirlargha sözlitip, amérikini xelq'ara térorizimgha küreshni aqsatti, dep eyibligen.

Mustafayich, jonggo albaniye munasiwti bu weqe sewebidin tesir uchrimidi, deydu. Mustafayichning eskertishiche, uning bu yil küzde xitayda élip baridighan ziyariti bikar qilinmighan. U, ziyaret jeryanida xitay bilen albaniyining " siyasi, diplomatiye we iqtisadi alaqisi" küchiyidighanliqini bildürmekte.

Mustafayich, 5 neper Uyghurning siyasi panaliq tilesh weqesini özgiche pewqukllade ehwal, dédi. Uning eskertishiche, albaniye hökümiti bu besh Uyghurning mesilisini albaniye asasi qanuni , qanunliri we xelq'ara ehdinamilar boyiche bir terep qilishni oylashmaqta.

Albaniye metbu'atlirining analiz qilishiche, gerche mustafayich bu weqe xitay - albaniye munasiwitige tesir körsetmeydu, dégen bolsimu, lékin béyjing da'iriliri bu mesilide bashqiche köz qarashta iken. Bu 5 Uyghur aldinqi hepte gu'entanamodin qoyup bérilgendin kéyin albaniyege élip bérilghan, lékin bu jeryanda héchkimge uqturush qilmighan. Musapirlarning adwokati tutqunlarning téxi xeterdin qutulmighanliqini eskertmekte we amérika hökümitini mes'uliyetsizlik qilish bilen eyiplimekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet