Albaniyidiki 5 neper Uyghur heqqide yene maqale élan qilindi

• 
  2006-08-15

8‏- Ayning 15 ‏- küni amérikida chiqidighan nyuyork waqti gézitide gu'entanamodiki herbiy türmidin qoyup bérilip, albaniyige orunlashturulghan besh neper Uyghurning nöwettiki ehwali heqqide bir parche maqale élan qilindi.

Nil liwis teripidin élan qilin'ghan maqalide, mezkur besh neper Uyghur mehbusning albaniyige orunlashturulushi jeryanida, washin'gton, kanada, albaniyining paytexti tirana we béyjing qatarliq jaylarda perde arqisida élip bérilghan diplomatiye pa'aliyetliri heqqide melumat bérilgen.

Maqalide shundaqla, bush hökömitining, amérika fidral ottura sotining bu kishilerge amérikida siyasiy panahliq bérish toghrisida höküm chéqirip qilishidin endishe qilghanliqi üchün, ularni sotqa birnechche kün qalghan chaghda tuyuqsiz gu'entanamo türmisidin qoyup bérip albaniyige orunlashturghanliqi körsitilgen.

Maqalide éytilishiche, amérika hökümiti gu'entanamo türmisidin qoyup bérilgen besh neper Uyghurgha siyasiy panahliq bérishke razi qilish üchün albaniyining shimaliy atlantik okyan ehdi teshkilatigha eza bolush telipini qollashni öz ichige alghan bir qatar iqtisadiy, siyasiy yardem wede qilghan. Dégendek, besh Uyghur mehbusning albaniyige qedem tashlishidin bir kün kéyin, yeni 2006 ‏- yili 7‏- may küni amérikining mu'awin prézidénti dék chéyni ochuq - ashkara halda , albaniye hökümitining uzundin béri arzu qilip kéliwatqan shimaliy atlantik okyan ehdi teshkilatigha eza bolush telipini qobul qilidighanliqini jakarlidi.

Nil liwisning maqaliside bayan qilinishiche, gerche, albaniyige orunlashturulghan Uyghurlar albaniye hökümitining ulargha siyasiy panahliq bergenlikidin nahayiti xoshal ikenlikini bildürgen bolsimu, emma Uyghur jama'iti yashaydighan bir döletke orunlashturulghan bolsaq, eng yaxshi bolatti dep, özlirining albaniyige orunlashturulghanliqigha bolghan naraziliqini ipadiligen. (Qanat)