Хитайчә мәктәптә оқуған миллий оқуғучиларға қошуп беридиған номур төвәнлитилди


2004-12-23
Share

Хитай һөкүмити уйғур елидики миллий оқуғучилар билән хитай оқуғучиларниң алий мәктәпкә қубул қилиш номур чекидики пәрқни йоқитиш пилани бойичә, бу йил хитайчә мәктәптә оқуған миллий оқуғучиларға пәқәт 50 номур қошуп беридиғанлиқини билдүрди.

Хитай хәвәр ториниң хәвиридин ашкарилинишичә, уйғур аптонум районлуқ маарип назарити бу йил хитай мәктәптә оқуған миллий оқуғучиларға қошуп беридиған номурни 70 тин 50 кә чүшүрүшни қарар қилған. Әмма хитай даирилири хәвиридә миллий мәктәптә оқуған оқуғучиларға бу йил қандақ муамилә қилинидиғанлиқини тәкитлимигән.

Хитай даирилири хәвиридә, "15 йил вақит ичидә қәдәмму қәдәм тәдбир қоллинип, миллий оқуғучилар билән хитай оқуғучиларниң алий мәктәпкә қубул қилиниш номур чекидики пәрқни пүтүнләй йоқитимиз" дәп көрсәткән.

Хитай даирилири, оқуғучиларни алий мәктәпләргә қубул қилиш номур чекидики пәрқни йоқитиш, милли оқуғучиларниң өгиниш актипчанлиқини қозғайду дәп билдүрмәктә. Әмма уйғур күзәткүчилири, бу сиясәтниң техиму көп уйғур оқуғучиларниң алий мәктәпләрдә оқуялмаслиқиға йол ачидиғанлиқини оттуриға қоймақта. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт