Uyghur aptonom rayonidiki oqughuchi qobul qilish ishliri axirlashti

Xitayning tengri tagh torining uchurigha qarighanda alte künlük tallap qobul qilish netijiside, Uyghur aptonom rayonining ichi-sirtidiki 175 nuqtiliq aliy mektepke jemiy on töt ming oqughuchi qubul qilin'ghan.

Bu uchurdin ashkarilinishiche, xitay tilida imtihan bergenlerning ijtima'iy pen we tebiy pen kesipliri boyiche aliy mekteplerge qobul qilinish nisbiti yuqiri bolup, oqushqa qobul qilin'ghan omumiy sanning 60٪ tidin éship ketken. Emma, xitay da'iriliri téxi hazirghiche bu yil oqushqa qobul qilin'ghan oqughuchilarning millet terkibi boyiche nisbitini élan qilmighan bolup, munasiwetlik ma'arip mesililiri közetküchilirining ashkarilishiche, Uyghur aptonom rayonidiki Uyghurlarning nopusi eng köp we aptonomiye hoquqi yürgüzgüchi millet bolushigha qarimay, ularning oqushqa qobul qilinish nisbiti xitaylardin töwen bolghan.

Uyghur aptonom rayonida xitay nopusining köpiyishige shuningdek ma'aripning xitaylashturulishigha egiship, Uyghurlarning aliy mekteplerge kirish we xizmetke orunlishish nisbiti yildin-yilgha töwenlimekte. Nöwette, bu mesile Uyghurlarnig qattiq naraziliqlirini qozghimaqta. (Ümidwar)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar