Алтай шәһиридә кәлкүн келип қатнашни үзүп қойди


2005-06-01
Share

Чаршәнбә күни алтай шәһиридә яғқан қаттиқ ямғур сәвәбидин, кәлкүн келип шәһәр қатнишини пүтүнләй тохтитип қойди.

Уйғур аптоном районлуқ радио-телевизийә идарисиниң тор бетидә елан қилинған хәвәрдин мәлум болушичә, 1 - июн күни чүштин кейин бу йәрдә мөлдүр арилаш яғқан қаттиқ ямғур 20 минутчә тохтимай давамлашқан. Нәтиҗидә тағлиқ районлардин аққан сулар кәлкүн болуп алтай шәһиригә еқип киргән. Һәтта чоң кочилардики суниң егизлики 40 сантиметирдин ешип кәткән.

Кәлкүн сәвәбидин коча бойидики бир қисим дукан вә өйләргә су кирип кәткән. Мунасивәтлик орунлар һазир қутқузуш ишлирини елип бериш билән биргә, кәлкүн апити кәлтүрүп чиқарған зиянларни статистика қилмақта.

Буниң билән бир вақитта, хитайниң хунән өлкисидә нәччә күн уда яғқан ямғур сәвәбидин тағ серилиш вәқәси йүз берип, 8 кишиниң қаза қилишини кәлтүрүп чиқарған. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт