Altaydiki köksu nemlik yer muhiti bulghanlaqtin 600 charwichi ahalisi köchüshke mejburlandi


2006-07-16
Share

Uyghur élining altay otlighidiki tebi'iy qoghlidighan eng chong nemlik yer - köksu nem yerning muhiti dawamliq bulghunup mangghachqa, bu rayonda yashaydighan 600 gha yéqin charwichi ahalisi bashqa jaylargha köchüshke mejbur boldi.

Tengritagh xewer torining melum qilishiche, bu nem yer muhitining bulghunishigha, buning etrapigha su éléktir istansislirining qurulishi we nurghun kishiler teripidin élip bérilghan boz yer échish heriketliri sewep bolghan iken. Mushu seweptin hazir köksu nem yerdiki ösümlük we haywanlarning türi aziyip, nurghun jaylarda qumlishish ehwali körülgen.

Köksu nem yer shimaliy muz okyan'gha quyulidighan értish deryasining ottura töwen éqimigha jaylashqan bolup, bu altay otlighidiki eng chong nem yer hésablinidu. Bu yerde 450 nechche xil yuqiri derijilik ösümlük, 103 xil qush, 35 türlük süt emgüchi haywan we 10 nechche xil béliq türidiki su janiwarliri yashaydu. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet