Xitay da'iriliri Uyghur élide yene bir altun kénini achti


2005-05-09
Share

Uyghur aptonum rayonluq altun bashqurush idarisining bildürüshiche, ular ürümchi bilen sanji chégrisidiki tengritagh muz choqqilirida zapas miqtari texminen besh tonna kélidighan bir altunluqni bayqighan hemde yéqinda kan échip, altun qézish ishlirini bashlighan.

Mezkur idarining bashliqi wéyning ashkarilishiche, yéngi qurulghan bu kan her yili on ming ser altun ishlepchiqiralaydiken. Bu ürümchi we sanji etrapida bayqalghan kölimi nisbeten chong bolghan tünji altun kani hésablinidiken.

Uyghur élide yiligha on ming ser altun ishlepchiqiralaydighan altun kanliridin yettisi bar bolup, ularning köpinchisining altun zapisi tügeshke bashlighan. Shunga xitay da'iriliri yéqinqi yillardin buyan Uyghur élide altun zapisi mol kanlarni qédirish ishlirini kücheytmekte.

Xitay da'irilirining Uyghur élidiki néfit, tebi'iy gaz, altun qatarliq tebi'iy bayliqlarni keng kölemde échishi Uyghurlarning naraziliqini qozghimaqta. Dunya Uyghur qurultiyining bayanatchisi dilshat rishit, xitay hökümitining Uyghur élidiki bayliqlarni bulang- talang qilip, yerlik xelqlerni bu bayliqlardin menpe'etlendürmeywatqanliqini eyiblimekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet