Xitay hökümi Uyghur ilkidiki altun zapaslirini téximu keng kölemde achmaqchi


2007-12-07
Share

Xitay hökümi Uyghur ilkidiki altun zapaslirini téximu keng kölemde échishni otturigha qoyghan bolup, xitay axbarat wasitiliri bergen xewerge qarighanda, xitaylar buni yéqindin buyan dunya altun baziridiki örlesh halitidin yaxshi paydilinish pursiti dep körsetken.

Shinxu'a axbarat torida körsitilishiche xitay Uyghur ilide altun ishlep chiqirish miqdarini ashurghan bolup, bu yilning aldinqi yérimidila Uyghur ilide ishlepchiqirilghan altun omumi miqdari ikki tonnidin ashqan bolup, ötkenlikidin oxshash mezgildikidin ikki hesse örligen.

Melum bolushiche, Uyghur ilidin bu yil qéziwélinish mölcherlen'gen omumiy altun miqdari 7 tonnidin éship kétidiken.

Shinxu'a axbarat torida bérilgen xewerde ichki ehwallardin xewerdar erbablarning éytqanliridin neqil qilip körsitilishiche, Uyghur ilining altun ishlep chiqirish ehwali intayin yaxshi bolup, peqet mebleghni kop sélip altun kanlirini qidirip tekshürüsh qedimini tézletkendila yenimu köplep altun qétiwélishta mesile yoq iken.

Xewerde otturigha qoyulishiche yene, "11- 5 yilliq pilan " mezgilide Uyghur ili altun kan qidirip tekshürüsh ishlirigha 150 milyon meblegh sélinip 100 tonna altun zapisi bayqash pilan qiliniwatqan bolup, 2010 yiligha kelgende Uyghur élidin her yiligha qézilidighan omumiy altun miqdarini 10 tonnigha yetküzüsh pilan qiliwétiptu. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet