Xitay hökümiti Uyghur élide altun qézish yilliq miqdarini yette tonniliq ötkeldin ashurghan


2007-12-18
Share

Uyghur éli yerlik xewer torliridin ashkarilinishiche, Uyghur aptonom rayonluq altun bashqurush idarisi yéqinda, Uyghur élide yilliq altun qézish miqdarining bu yil yette tonna bir ming kilogramgha yétidighanliqini jakarlighan.

Xewerlerge qarighanda, bu yil 1 - aydin 11 - ayghiche Uyghur éli altun kanliridin qézilghan altun 1999- yilidin buyanqi eng yuqiri süpetni körsetken.

Nöwette Uyghur éli xitaydiki eng asasliq meden bayliqliri bazisi bolup altun buning ichidiki eng asasliq yuqiri qimmetlik métalning biri hésablinidu, Uyghur élining ikki yüzdek ornida altun kanliri bolup,altun zapisi asasliq altay téghi, gherbiy shimal jungghar oymanliqi, tengritéghi, ko'inlun taghliri qatarliq keng da'irilerge jaylashqan.

Xitay da'iriliri Uyghur élide altay, chöchek, ili, qumul we turpan hem sanji qatarliq alte nuqtiliq altun rayonida muqim altun qazmaqta. Hazir bu jaylarda altun tawlashni kesp qilghan kan karxanilar 52 ge yetken.

Xitay da'irilirining bildürüshiche, Uyghur élide yene yéngidin altun zapisi bayqiliwatqan bolup, altun bayliqini échishni özlüksiz kücheytidiken. Shundaqla bu yil yilliq altun qézish miqdari yette tonniliq ötkeldin ötken bolsa kéler yili uningdinmu ashurushni pilanlimaqta iken. Nöwette Uyghur élide shexsiler yeni meblegh salghuchi xitaylar teripidin échiliwatqan altun kanlirining sanimu barghanche köpiyiwatqan bolup, xitay hökümiti bu xil shexsi karxanilarni Uyghur éli bayliqlirini köplep échishqa righbetlendürmekte. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet