Хитай, уйғур елидики алтун байлиқлирини қезивелиш қәдимини тизләтмәктә


2007-09-10
Share

Хитай ахбарат васитилириниң ашкарилишичә, бу йилниң алдинқи йеримида уйғур елидә һөкүмәт игидарчилиқидики алтун қезиш ширкәтлири тавлиған алтун миқдари алдинқи йилиниң охшаш мәзгилдикидин көрүнәрлик ашқан.

Тәңритағ торида или области парткоминиң секретари ли шияңлинниң 6- сентәбир ғулҗа наһийисидә ейтқанлирини нәқил елип көрситишичә,или вадисиниң қезилма байлиқлири интайин мол болуп, униң ичидә алтунниң запас миқдари 500 тонна әтрапида икән.

Мәлум болушичә, һазир уйғур елиниң алтун байлиқи саһәсигә мәбләғ салған хитай карханилири көп болуп, буларниң ичидә хитай алтун гуруһи (中国黄金集团) , хитай алтунчилиқ һәссидарлиқ ширкити (中金股份) , шәндуң алтун топлаш гуруһи (山东招金集团) , рәңлик метал канчилиқи (紫金矿业) қатарлиқлар уйғур елидә алтун қезиш қәдимини тезләтмәктә икән.

Хәвәрдә ашкарилинишичә, бу йилниң алдинқи йеримида уйғур елидә пишшиқлап ишләнгән алтун миқдари икки тоннидин юқири болуп алдинқи йилдики охшаш мәзгилдикидин икки һәссә ашқан.

Ғулҗа наһийисигә җайлашқан ашин алтун қезиш ширкити бир йүз килограмдин артуқ, толи наһийисигә җайлашқан ширкәт йәттә йүз килограмға йеқин алтун ишләпчиқарған.

Бултур уйғур елидә җәмий 6 миң 402 килограм алтун ишләпчиқирилған болуп, хитай буйичә 8- орунға өткән. Тәңритағ торида бу һәқтә берилгән хәвәрдә ашкарилинишичә, хитай бу йил уйғур елиниң алтун ишләпчиқириш миқдарини 7 тонниға йәткүзүп бултурқидин 10 пирсәнт ашурушни пиланлиған. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт