ئۇيغۇر ئېلىنىڭ گۇچۇڭ ناھىيىسىدىن زور مىقداردا ئالتۇن زاپىسى بايقالدى


2008-03-28
Share

ئۇيغۇر ئاپتونوم رايوندىكى ئاخبارات ۋاسىتىلىرىنىڭ خەۋەر قىلىشىچە، يېقىندا، ئۇيغۇر ئاپتونوم رايونىغا جايلاشقان مەلۇم بىر ئالتۇن قېدىرىپ تەكشۈرۈش ئەترىتى ئۇيغۇر ئېلىنىڭ گۇچۇڭ ناھىيىسىنىڭ شىمال قىسىمغا جايلاشقان بىر قۇملۇقتىن 24 توننا ئالتۇن زاپىسىغا ئىگە بىر چوڭ ئالتۇن كانىنى بايقىغان.

مەزكۇر كاندىن بايقالغان 24 توننىلىق ئالتۇن زاپىسى تېخى دەسلەپكى قېتىملىق تەكشۈرۈش نەتىجىسى بولۇپ، بۇ كاننى بايقىغان ئالتۇن قىدىرىپ تەكشۈرۈش ئەترىتى ھازىر بۇ جايدا زور كۆلەملىك ئالتۇن قېزىش ۋە ئىشلەپچىقىرىش ھەمدە ئومۇميۈزلۈك گېئولوگىيىلىك تەكشۈرۈش ئېلىپ بېرىىش ئۈچۈن تەييارلىق كۆرۈۋاتقان ئىكەن.

ھازىر ئۇيغۇر ئىلى ئالتۇنچىلىق ساھەسىگە خىتاينىڭ شەندۇڭ، فۇجيەن، خېنەن قاتارلىق ئۆلكىلىرىدىن كېلىپ ئۇيغۇر ئېلىگە يەرلەشكەن ئالتۇن قېزىش شىركەتلىرى كۆپلەپ مەبلەغ سېلىۋاتقان بولۇپ، ئۇيغۇر ئاپتونوم رايونلۇق ئالتۇن باشقۇرۇش ئىدارىسىنىڭ تور بېتىدە كۆرسىتىلىشىچە، 2007 - يىلى ئۇيغۇر ئېلىدە پىششىقلاپ ئىشلىنىپ ھېسابقا ئېلىنغان ساپ ئالتۇن 7 توننا بولغان.

چەتئەللەردىكى ئۇيغۇر تەشكىلاتلىرى، ئۇيغۇر ئېلىدە كىم ئاچسا شۇ مەنپەئەتلىنىش شۇئارى ئاستىدا ئېچىلىۋاتقان كۆپلىگەن كانلار خىتاي ئۆلكىلىرىدىن كەلگەن شىركەت ياكى شەخسلەرنىڭ ئىلكىدە بولغاچقا، يەرلىك خەلقنىڭ بۇ بايلىقلاردىن بەھرىمان بولالمايۋاتقانلىقىنى ئىلگىرى سۈرمەكتە. (جۈمە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت