Uyghur aptunum rayonining sabiq mu'awin re'isi aman haji partiyidin qoghlap chiqirilghan

Tengritagh tor bétide élan qilin'ghan xewerde ilgiri sürülüshiche, yéqinda Uyghur aptonom rayonluq partkomning ezasi, aptonum rayonining sabiq mu'awin re'isi aman haji éghir derijide qanun'gha xilapliq qildi digen nam bilen xitay kommunist partiyisidin qoghlap chiqirilghan .

Igileshlerge qarighanda, xitay hökümiti aman hajini buningdin bir yil ilgiri qolgha élip, uning zadi néme jinayet ötküzgenliki heqqide hichqandaq ipade bildürmigen idi. Aman hajigha da'ir uchurlardin xewer tapalmighan Uyghur jama'iti arsida hetta “u alliqachan ölüp ketti” digen'ge oxshash éniqsiz melumatlar taralghan. Aman hajining kanadada turushluq inisi élshat hajining béyjingde ölüp ketkenlikimu, kishiler arisidiki ghul - ghulining téximu ewj élishigha sewep bolghan.

Uzundin béri sükütte turghan merkizi hökümet intizam tekshürüsh komitéti yéqinda aman hajini xizmet qolayliqidin paydilinip, zor miqdardiki neq pulgha xiyanet qildi we qérindishi bilen til biriktürüp, xiyanet qilghan pullarni shexsiy karxanisi üchün ishletti dep, uninggha aldi bilen partiyidin qoghlap chiqirish charisini qollinip, uning dilosini ediliye tarmaqlirigha yollap béridighanliqni élan qildi.

Ismini éytishni xalimighan, aman hajining ehwalidin toluq xewerdar bir kishi istansimizgha "élshat hajining ölimi hökümet teripidin süyqest bilen élip bérilghan. Aman hajigha munasiwetlik dilogha aptonum rayonluq hökümettiki bir qanche kattibashlar chétishliq. Hökümet ishning yoghinap kétishining aldini élish we dilogha munasiwetlik bir qanche kishini qoghdap qélish üchün meqsetlik halda, aldi bilen hemmidin xewerdar élshat hajini öltürüp, andin aman hajini mezkur zor iqtisadiy diloning bash jinayetchisi qilip békitken" dep melum qildi. (Eqide)