Уйғур аптоном райониниң муавин рәиси аман һаҗи үрүмчидә әмәс, ләнҗуда сотлиниду


2005.10.28
Share on WhatsApp
Share on WhatsApp

Хитай мәтбуатлири, уйғур аптоном райониниң муавин рәиси аман һаҗиниң ләнҗу оттура хәлқ сот мәһкимисидә сотлинидиғанлиқини елан қилди. Аман һаҗи, буниңдин икки - үч йил илгири туюқсиз ғайиб болғандин кейин, униң хитай даирилири тәрипидин хийәнәтчилик вә пара елиш билән әйиблинип бейҗиңда қолға елинғанлиқи мәлум болған иди.

"Ләнҗу әтигәнлик гезити" ниң хәвәр қилишичә, хитай али сот мәһкимиси аман һаҗини ләнҗу оттура хәлқ сот мәһкимисидә сотлашни қарар қилған. Хитай мәтбуатлири, ләнҗу шәһәрлик тәптиш мәһкимисиниң аман һаҗи үстидин рәсмий әйибнамә тәйярлиқини хәвәр қилди. Әмма даириләр, аман һаҗиниң немә үчүн үрүмчидә әмәс, ләнҗуда сотқа тартилдиғанлиқини чүшәндүрмигән. Хитай мәркизи интизам тәкшүрүш комитети өткән йили 10 - айда аман һаҗиниң партийә тәвәликини бикар қилған иди.

"Малийә иқтисад вақти гезити" ниң хәвәр қилишичә, али сот мәһкимисиниң бир хадими, аман һаҗини " йүрики қаптәк йоғинап кәткән," дәп әйиблигән. Мәзкур гезитниң илгири сүрүшичә, аман һаҗи қолға елинғандин кейин, униң билән шерикчилики бар, дәп қаралған җийү мәбләғ селиш чәклик ширкитиниң баш мудири шйе кунҗи, туюқсиз ғайиб болған. Бәзиләр уни чәтәлгә қечип кәтти, дәп қарайдикән.

Аман һаҗи қолға елинип узун өтмәй униң канадада олтурақлишип қалған иниси илшат һаҗи канададин чақиртип кетилгән вә узун өтмәй өлүки аилә тавабиатлириға тапшуруп берилгән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.