Jorjitawn uniwérsitétida ötküzülgen muhakime yighinida Uyghur mesililiri keng muzakire qilindi

18 - Séntebirdin 21 - séntebirgiche dawamlashqan amérika paytexti washin'gtondiki jorjitawn uniwérsitétida ötküzülgen merkiziy yawro - asiya jem'iyitining xelq'araliq muhakime yighinining shenbe künidiki mexsus tarix muhakime tarmiqida "Uyghur éli we Uyghurlarning zamaniwi tarixshunasliqi hemde xitay tilidin bashqa menbeler" mawzu astida üch mutexessis mexsus Uyghur hazirqi zaman tarixi, Uyghurche wexpe qol yazma höjjetliri hemde Uyghur tarixiy menbelirini qandaq ishlitish we uning muhimliqi heqqide ilmiy doklat berdi.
Muxbirimiz ümidwar
2008-09-21
Share

 Mezkur yighinning yekshenbe künidiki siyasetshunasliq mesililirige a'it qismida yene töt neper mutexessis Uyghurlarning qosh tilliq ma'arip ehwali we uning ötmüshi, Uyghur milliy tibabet chüshenchiliri, 21 - esirdiki Uyghurlarning medeniyet kimlik tereqqiyati hemde xitay ishlepchiqirish armiyisining tereqqiyat musapiliri we xaraktéri qatarliq bir yürüsh mesililer heqqide öz doklatlirini oqup ötti.

Merkiziy yawro - asiya jem'iyitining bu qétimqi yighinda Uyghurlar heqqide mexsus on parche maqale oqulghan bolup, téma da'irisi nahayiti keng, ijtima'iy penlerning her sahesige mensup mesililer muzakire qilinidighan,derijisi bir qeder yuqiri hésablinidighan mezkur muhakime yighinda Uyghur témisi üchün mexsus ikki doklat bérish soruni uyushturulushi körünerlik yéngiliq bolup hésablinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.