Xitay xanliq jemet ewladi dawut mexsutxan'gha körgezmixana échip berdi

Hazir xitay yerlik hökümet da'iriliri, kocha nahiyisi teweside yashighan xanliq jemet ewladi dawut mexsutxan'gha atalghan bir körgezmixana achqan bolup, tengritagh torida körsitilishiche, mezkur körgezmixana kucha nahiyilik hökümetning ichige orunlashturulghan.
Muxbirimiz jüme xewiri
2008-09-15
Share

 Bu körgezmixana 50 kwadrat métir kenglikidiki öy bolup, buninggha dawutxanning kichik waqtidiki süretliri, ching xanidanliqi uni xan qilip teyinligenlikige a'it yarliq we xitayda emgek bilen özgertilishi qatarliq höjjet ‏ - matériyallar qoyulghan.

Melum bolushiche, dawut mexsutxan ching xandanliqining kéyinki mezgilliride Uyghur élige teyinligen yerlik xanlardin qumul, turpan xanlirigha oxshash kuchagha teyinligen "kucha xani" iken.

Bu heqte toxtalghan dunya Uyghur qurultiyi bayanatchisi dilshat rishitning éytishiche, xitay da'iriliri Uyghur élining qumul, turpan we kucha qatarliq jaylirida, eyni waqitta manju impériyisi, ching sulalisi bilen hemkarlashqan Uyghur yurt chonglirining ewladlirini tépip chiqip yaki ular qaldurghan tarixi iznalarni meblegh sélip yéngilap we her xil shekilde mena bérip qurup chiqip, atalmish "wetenperwerlik terbiyisi" élip bérish bazisigha aylandurghan bolup, dawutxan körgezmixanisimu ene shularning bir qisimi iken.

Uning bildürüshiche yene, bu peqet xitay da'irilirining özliri otturigha qoyup kéliwatqan Uyghur ili "ezeldin xitayning ayrilmas bir qismi idi" dégen sepsetini asas bilen temin étish üchün élip bériwatqan tirishchanliqlirining bir qismi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet