Pütün dunyaning her qaysi jayliridiki Uyghurlar yéngi yilni daghdughiliq kütüwaldi


2008-01-01
Share

Dunyaning her qaysi jayliridiki Uyghurlar bu yéngi yil bayrimini türlük mezmunluq pa'aliyetler arqiliq daghdughiliq kütüwaldi.

Radi'omiz érishken xewerlerge asaslan'ghanda, yawrupa, amérika we ottura asiyadiki döletlerde yashawatqan Uyghur jama'etliri jaylardiki siyasiy hem ammiwiy teshkilat hemde Uyghur jem'iyetlirining teshkillik orunlashturushi bilen asasen jaylarning waqti buyiche 2007 - yilni 31 ‏- dékabir küni axshimi bayramliq pa'aliyetler arqiliq yéngi yil bayrimini tebrikligen.

Jümlidin amérikidiki Uyghurlarning yéngi yil pa'aliyiti, amérika Uyghur birleshmisining orunlashturushi bilen aliksandiriye shehiride 31 ‏- dékabir ötküzüldi,pa'aliyetke amérika paytexti washin'giton shehiri hem qoshna shitatlardiki Uyghurlar bolup ikki yüzdin artuq Uyghur qatnashti.

Amérika Uyghurliri her yili yéngi yil hem bashqa milliy héyt ‏- bayramlarda ortaq pa'aliyetler ötküzüp kelmekte, bu qétimliq yéngi yilliq pa'aliyet Uyghur milliy herikiti rehbiri rabiye qadir xanimning tebrik sözliri bilen bashlandi, amérikidiki Uyghurlar özliri teyyarlighan sen'et programmiliri we balilar nomurliri, opche sama, xorlar bilen 2008 ‏- yilni téximu ehmiyetlik hem rengdar kütüwaldi. Bu heqtiki tepsiliy melumatni xewerlerdin kéyin anglighaysiler. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet