Xelq'ara kechürüm teshkilati prézidént bushni Uyghurlar mesiliside xu jintawgha bésim ishlitishke chaqirdi


2005.09.02
Share on WhatsApp
Share on WhatsApp

Merkizi londondiki xelq'ara kechürüm teshkilati, xitay dölet re'isi xu jintawning amérikida élip baridighan ziyariti bashlinishtin ilgiri bayanat élan qilip, amérika prézidénti jorji bushni xu jintaw bilen uchrashqanda, Uyghur siyasi mehbuslarni qoyup bérish we rabiye qadirning a'ile- tawabati we sodisigha buzghunchiliq qilishni toxtutush toghrisida bésim ishlitishke chaqirdi.

Xelq'ara kechürüm teshkilatining washin'gtonda turushluq wekili t. Kumar jüme küni élan qilghan bayanatida, "Uyghurlar ana tili cheklinish, nurghun kishiler su'al soraqsiz türmige tashlinish, meschitler pichetlinish weziyitige duch kelmete. Bolupmu rabiye qadir qoyup bérilgendin kéyin u qutuldi, emma uning a'ile - tawabati ziyankeshlikke duch kéliwatidu," dep tekitligen.

Xitay dölet re'isi xu jintawni ziyariti 6 - sintebir küni bashlinidu. T. Kumar, xitaylarning rabiye qadir a'ile - tawabati we ularning sodisini nazaret qilish üchün alahide bir bölüm tesis qilghanliqini eskertti. Uning tekitlishiche, prézidént bush rabiye qadirning a'ile - tawabati duch kéliwatqan mesilini otturigha qoyushi kérekken. T . Kumar " biz prézidént bushning bu mesilini jiddi otturigha qoyup, xu jintawdin melum derijide jawab élishqa chaqirimiz," dédi.

Xu jintaw, 7 - séntebir küni prézidént bush bilen söhbet élip baridiken. Shu küni Uyghurlar rabiye qadirning bashchiliqida namayish qilidu. Washin'gtondiki xitay elchixanisining bayanatchisi, "bezi zatlarning xitay - amérika munasiwitige paydisiz ishlarni qilmasliqini ümid qilimiz," dédi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.