Xelq'ara kechürüm teshkilati qazaqistanda tutup qélin'ghan ikki Uyghur toghrisida bayanat élan qildi


2006.04.25
Share on WhatsApp
Share on WhatsApp

Xelq'ara kechürüm teshkilati seyshenbe küni bayanat élan qilip, qazaqistan da'irilirini tutup qélin'ghan yüsüp qadir toxti we abduqadir sidiq qatarliq ikki Uyghur siyasi musapirini xitaygha qayturup bermeslikke chaqirdi. Yüsüp qadir toxti we abduqadir sidiqlar 2006 - yili 3 - aydin béri qazaqistan da'iriliri teripidin tutup turulmaqta.

Xelq'ara kechürüm teshkilati bu heqtiki bayanatida "junggo hökümiti izchil türde ularni ötküzüwélishni telep qilip keldi. Eger ular xitaygha ötküzüp bérilse, ten jazasi yaki qanunsiz mu'amilige uchrash, eger 'jinayiti' 'éghir,' dep qaralsa ölüm jazasigha höküm qilinish mumkinchiliki mewjut " deydu.

Kechürüm teshkilatining eskertishiche, 1996- yili xitaydin ayrilghan we 2006 - yili 3 - ayda qazaqistan da'iriliri teripidin tutup qélin'ghiche diniy telim terbiye bilen shughullan'ghan yüsüp qadir toxtini, xitay hökümiti " bölgünchilik" bilen eyibligen. Abduqadir sidiq ilgiri xitay hökümitining Uyghur siyasiti, tughut cheklesh we hashar siyasitini tenqidligenliki üchün türmige solan'ghan we türmidin chiqqandin kéyin yurtini terk étishke mejbur bolghan iken.

Abduqadir sidiq özini chetke élish üchün xitay - qazaqistan chégrisidin ötüwatqanda qazaqistan chigra da'iriliri teripidin qolgha élin'ghan we qazaqistan hökümiti uni qanunsiz chégridin ötüsh bilen eyibligen hem 6 ayliq qamaq jazasigha höküm qilghan.

Xelq'ara kechürüm teshkilati bayanatida "yéqinqi yillardin béri qoshna ellerdin xitaygha mejburi qayturulghan Uyghurlarning köpiyiwatqanliqigha diqqet qilmaqtimiz , qayturulghanlar ten jazasi, adaletsiz sotlinish we ölüm jazasi qatarliq kishilik hoquq ziyankeshlikining nishanigha aylanmaqta " dédi. Xelq'ara kechürüm teshkilati qazaqistanni b d t musapirlar ehdinamisigha ri'aye qilishqa chaqirghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.