Или дәря вадисидики 100 миң киши су апитиниң зиянкәшликикә учриди


2004-11-10
Share

Уйғур елиниң или дәря вадисида 40 нәччә саәт тохтимай яғқан ямғур сәвәбидин 100 миңдин ошуқ киши су апитигә учриған һәмдә буниңдин 20 милйон юән бивастә иқтисадий зиян келип чиққан.

“Тәңритағ тори” ниң хәвиригә қариғанда, апәт тәсиригә ғулҗа шәһири, чөчәк, чапчал наһийиси, ғулҗа наһийиси, нилқа вә текәс қатарлиқ җайлар бир қәдәр еғир учриған болуп, бу йәрдики хәлқләрниң җәмий 2188 еғиз өйи өрүлүп чүшкән һәмдә 109 қотан вәйран болуп, 181 туяқ өй-һайвини өлгән. Һәтта 4 мәктәптики 7 еғиз синип өрүлүп чүшүп, 40 нәччә синиптин су өтүп кәткән.

Хәвәрдә йәнә, нәччә күн тохтимай яғқан ямғур сәвәбидин һөл-йиғин миқдариниң 40 миллиметирға йәткәнлики, шундақла нөвәттә апәткә учриған һәрқайси шәһәр, наһийиләрдики апәттин қутқузуш орунлириниң җиддий қутқузуш ишлирини елип бериватқанлиқи көрситилгән.(Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт