Ilida 100 ming kishi höl yéghin apitining tesirige uchridi


2004-11-15
Share

Ili tewelikidin igilishimizche, ili derya wadilirini asas qilip yüz bergen höl yéghin apitining tesirige ghulja shehiri we ili oblastining chapchal, qorghas, nilqa, tékes qatarliq nahiyiliri éghirraq uchrighan bolup, ötken heptidin bashlap yaqqan qar arilash yamghur hazirghiche dawam qilmaqta iken.

Ili oblastliq xelq ishliri idarisining Uyghur élidiki xewer torlirigha bergen xewérige qarighanda, ili tewelikide 70 nechche sa'et yaqqan qar -yamghurda hazirgha qeder100 ming kishi su apitide qalghan bolup, nurghun öylerdin su ötüp örülüp chüshken, öysiz qalghanlar 40 ming kishige yetken.Hemde 109 qotan weyran bolup 181 tuyaq mal charwa ölgen, töt mekteptiki yette éghiz sinip örülgen, 40 nechche siniptin su ötüp ketken.

Her halda hazirgha qeder apette ammining ölüm - yétim yaki yaridar bolghanliqi heqqide xewer bérilmidi.

Ürümchi istimalchilar gézitining ili tewelikidiki bu apet heqqide bergen xewiride körsitishiche, nöwette apet yüz bergen rayonlarda 90٪ ke yéqin ahalilerning öyliri lay kések öyler bolup, asasen hemmiside su ötken hemde dez ketken ehwallar körülüp xeterlik öylerge aylan'ghan. Apet éghirraq bolghan nahiyililerde, amma mektep we bashqa idare binalirida apet ötüp ketküche waqitliq panalanmaqta iken.

Biz bu höl - yéghin apitining keltürüp chiqarghan ziyanliri heqqide tepsili melumat élishqa tirishtuq, höl - yéghin apitining tesirige bir qeder éghir uchirighan nilqa nahiyisige télifon qilghinimizda bir ayal ziyaritimizni qobul qildi we su'allirimizgha jawab berdi.

Biz yene ili oblastliq xelq ishliri idarisidin apettin qutquzush ishlirining qandaq élip bériliwatqanliqini sorash üchün télifon qilghinimizda, ejeplinerliki ular, ilida apet yüz bermidi, hawa bek yaxshighu dep jawap berdi.

Nöwette apet bolghan ili tewelikidiki nahiye, yézilarda hawa témpratorisimu téz töwenlep, apetke uchirighanlar sani barghanche köpiyip,ular turalghu'öy we yamghurdin mudapi'elinish esliheliri hemde bashqa epettin qutquzush boyumlirigha jiddi éhtiyajliq bolup turmaqta iken. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet