Uyghur élining bir qisim rayonliri kelkün apitining éghir tesirige uchridi


2005.06.22
Share on WhatsApp
Share on WhatsApp

Bu yil 6 - ayning otturiliridin buyan, Uyghur élidiki ili qazaq aptonom oblasti, qizilsu qirghiz aptonom oblasti we qeshqer wilayiti qatarliq jaylarning bir nahiye we sheherliri qattiq yamghur sewebidin kelkün apitining éghir tesirige uchridi. Shundaqla mushu ayning ichidila kelkün apitide qaza qilghanlarning sani 5 ke yetti.

Apettin qutquzush orunlirining deslepki chiqarghan statistikisigha qarighanda, kelkün sewebidin bu rayonlarda jem'iy 3540 tuyaq mal-waran ölgen, 70 ming mogha yéqin otlaq we 4 ming mo etrapidiki térilghu yer weyran bolghan, 400 kilométirliq qatnash yoli buzuwétilgen hemde 177 köwrük weyran bolghan. Shundaqla yéngisar nahiyiside yüz bergen bir qétimliq kelkündila 3 milyon yu'en'ge yéqin iqtisadiy ziyan kélip chiqqan.

Munasiwetlik orunlar hazir qutquzush ishlirini élip bérish bilen birge, apet keltürüp chiqarghan ziyanlar üstide ilgirlep tekshürüsh élip barmaqta. Biz ilgiri ili oblastigha téléfon échip melumat igiliginimizde, bu rayondiki kishiler, gerche munasiwetlik orunlar qutquzush ishlirini élip bériwatqan bolsimu, lékin ular tartqan ziyanlarning ornini tolduruwalghili bolmaydighanliqini bildürgen idi.

Bu arida xitayning sherqiy jenubiy qisimlirimu kelkün apitining tesirige éghir uchrighan bolup, gu'angshi ölkisidila kelkünde 44 kishi qaza qilghan shundaqla bu rayondiki 100 mingdin oshuq ahale bashqa jaylargha tarqaqlashturulghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.