Уйғур елиниң шималидики районлар қара ямғур вә мөлдүрниң һуҗумиға учириди

Уйғур аптоном райониниң шималидики җайларда үзлүксиз яққан қара ямғур, кәлкүн апити вә мөлдүрниң һуҗуми, 29 - июнға қәдәр шималдики 12 шәһәр вә наһийини 200 милйон йүән зиянға учратти.

Шинхуа ахбарат агентлиқиниң хәвәр қилишичә, қарар ямғур вә мөлдүр апити 6 - айниң 26 - күнидин 29 - күнигичә или җилғиси чөчәк ойманлиқи вә алтай яйлақлирида 400 миң мо зираәткә зиян салған. Или вилайити апәт әһвали әң еғир район болуп, 15 минутқичә тухум билән охшаш чоңлуқта мөлдүр яққан. Шинхуа ахбарат агентлиқи, қара ямғур вә кәлкүн апитиниң зийиниға учриған пуқралар 19000 ға йетидиғанлиқини билдүрди.

Көзәткүчиләр, тәбий апәт деһқанчилиқ мәзгилигә тоғра кәлгәнликтин, зиянға учраш әһвали техиму еғир болуши мумкин, дәп қаримақта. Шинхуа ахбарат агентлиқиниң тәкитлишичә, апәт районидики йеза игилик банкиси, йеза - кәнт аманәт қәрз копиратипи қатарлиқ органлар деһқанларға аманәт қәрз пули тарқитидикән.

Хәлқ ишлар идариси, апәт районидики диһқан - чарвичиларни қутқузушқа иянә топлаш сәпәрвәрлики башлиған. Әмма апәт районидики пуқралар , қутқузуш һәрикитиниң тәшвиқатни мәқсәт қилған символ характерлик адәмгәрчиликләр билән чәклинип қелишидин әндишә қилидикән. (Әркин)