Uyghur élining shimalidiki rayonlar qara yamghur we möldürning hujumigha uchiridi


2005.06.30
Share on WhatsApp
Share on WhatsApp

Uyghur aptonom rayonining shimalidiki jaylarda üzlüksiz yaqqan qara yamghur, kelkün apiti we möldürning hujumi, 29 - iyun'gha qeder shimaldiki 12 sheher we nahiyini 200 milyon yü'en ziyan'gha uchratti.

Shinxu'a axbarat agéntliqining xewer qilishiche, qarar yamghur we möldür apiti 6 - ayning 26 - künidin 29 - künigiche ili jilghisi chöchek oymanliqi we altay yaylaqlirida 400 ming mo zira'etke ziyan salghan. Ili wilayiti apet ehwali eng éghir rayon bolup, 15 minutqiche tuxum bilen oxshash chongluqta möldür yaqqan. Shinxu'a axbarat agéntliqi, qara yamghur we kelkün apitining ziyinigha uchrighan puqralar 19000 gha yétidighanliqini bildürdi.

Közetküchiler, teb'iy apet déhqanchiliq mezgilige toghra kelgenliktin, ziyan'gha uchrash ehwali téximu éghir bolushi mumkin, dep qarimaqta. Shinxu'a axbarat agéntliqining tekitlishiche, apet rayonidiki yéza igilik bankisi, yéza - kent amanet qerz kopiratipi qatarliq organlar déhqanlargha amanet qerz puli tarqitidiken.

Xelq ishlar idarisi, apet rayonidiki dihqan - charwichilarni qutquzushqa iyane toplash seperwerliki bashlighan. Emma apet rayonidiki puqralar , qutquzush herikitining teshwiqatni meqset qilghan simwol xaraktérlik ademgerchilikler bilen cheklinip qélishidin endishe qilidiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet