Bu yil Uyghur élide kelkün apetliride ölgen ademler sani 20 ge yetti


2005.08.17

Uyghur éli munasiwetlik da'irilirining kelkün apetliri heqqide bergen eng yéngi istatéstikiliridin melum bolushiche Uyghur élide bu yil bashlinip hazirgha qeder kelkün apiti seweblik ölgenler sani 20kishige yetken we yene bir kishi yoqap ketken.

Bolupmu bu yil bahar bashlinishi bilen Uyghur élining jenup shimalida omumiyüzlük höl yéghin xaraktérlik kelkün, tagh sérilish we qiyan élish apetliri yüz bérip kelmekte. Turpan'gha oxshash höl yéghin ezeldin az körülidighan jaylarmu bu yil ellik yildin buyanqi eng éghir kelkün apitige duch keldi.

Hazirghiche bu kelkün apetlirining zerbisige uchrighanlar jem'iy 250mingdin ashqan. 25Minggha yéqin öyler örülgen. Kelkünning déhqanchiliqqa élip kelgen biwaste ziyini intayin éghir bolup jem'iy 27ming géktar etrapida térilghu yerler weyran qilin'ghan. Kelkün apetlirining qanchilik iqtisadiy ziyan keltürgenliki heqqide téxi toluq istatéska chiqirilmidi.

Bu yil -5ayda Uyghur élidiki métrologiye idariliri bu yil -7 aydin -8 ayghiche bolghan mezgilde Uyghur élide bulturqidinmu éghir kelkün apetlirining yüz bérishi mümkinliki heqqide aldin xewer élan qilghan bolsimmu emma muxbirlirimiz Uyghur élidiki kelkündin mudapi'elinish tarmaqliridin igilishidin ashkariki, munasiwetlik da'iriler yüz bérish éhtimallliqi bolghan kelkün apetlirige nisbeten waqtida jiddi tedbir qollanmighan.

Kelkün apitige uchrighan bezi jaylardiki amma "munasiwetlik da'iriler hawarayi özgürishi yaki kelkün apitidin aldin xewer bergen bolsa apetning keltürüp chiqiridighan ziyanlirinimu nisbeten töwen chekke chüshürüshke ülgergen bolatti" dep inkas qilmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.