Ili deryasi wadisidiki kelkün apitining ziyinigha uchrighan xelq 10 mingdin ashti


2006.05.10
Share on WhatsApp
Share on WhatsApp

Xitayda 1‏-may emgekchiler bayrimi tebrikliniwatqan mezgilde , Uyghur élining shimaliy qisimlirida toxtimay yamghur yaghqanliqtin, ili deryasi wadisida kelkün apiti yüz berdi. Bu kelkünning ziyinigha uchrighan kishining sani 10 mingdin éship, 18 milyon yüendin köp iqtisadiy ziyan kélip chiqqan.

Xitay xewer agéntliqining melum qilishiche, nöwette munasiwetlik orunlar qutquzush ishlirini élip bériwatqan bolup, kelkün tesirige uchrighan xelqler bashqa jaylargha yötkep orunlashturulmaqta iken. Lékin xewerde qanchilik ahalining köchüshke mejbur bolghanliqi heqqide tepsiliy sanliq melumat bérilmigen.

Buningdin sirt yene, xitayning Uyghur élidiki bingtu'en ‏- ishlepchiqirish qurulush armiyisining qorghastiki déhqanchiliq 4‏-déwiziyisimu oxshashla boranliq yamghur apitige uchrap, bu yerdiki 20 ming mogha yéqin kéwezlik we baghwenchilik meydanliri ziyan'gha uchrighan. Shundaqla buningdin kélip chiqqan biwaste iqtisadiy ziyan 5 milyon yüendin ashqan.

Mezkur déwiziye xadimliri hazir 200 ming parchidin oshuq borandin saqlinish pilastik yapquchlar bilen térilghu meydanlarning üstini yépishqa tirishmaqta. Bu yil Uyghur élide mushuninggha oxshash boranliq yamghur, kelkün we qum borinigha oxshash tebi'iy apetler bir qeder éghir körüldi. Bir qisim mutexesssiler buning yer shari kilimatining issip kétishige munasiwetlik ikenlikini otturigha qoymaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.