10 Йилдин буян уйғур елидә йүз бәргән су апити 8 милярд йүәндин артуқ зиян елип кәлгән


2006-11-07
Share

Өткән 10 йил ичидә, уйғур елидә аз дегәндә 10 дин артуқ дәря‏ - еқинларда йүз йилдин буян йолуқуп бақмиған кәлкүн су апәтлири йүз бәргән һәмдә мәзкур су апәтлири түпәйлидин келип чиққан иқтисадий зиян 8 милярд йүәндин ешип кәткән.

Шинхуа агентлиқиниң үрүмчидин бәргән хәвиридин мәлум болушичә, өткән 10 йил ичидә, уйғур елидә аз дегәндә 10 дин артуқ дәря‏ - еқинларда йүз йилдин буян йолуқуп бақмиған кәлкүн су апәтлири йүз бәргән һәмдә мәзкур су апәтлири түпәйлидин келип чиққан иқтисадий зиян 8 милярд йүәндин ешип кәткән.

Аптоном районлуқ су ишлар назаритиниң башлиқи су чинпиң 7 ‏- ноябир күни ечилған аптоном районлуқ хәлқ һөкүмитиниң йиғинида 90 ‏- йиллардин кейин уйғур елидики һава килиматиниң өзгириши вә иқтисадниң тәрәққий қилиши билән тәң қурғақчилиқ апити вә су апити қатарлиқ тәбиәт апәтлириниң йилдин ‏- йилға көпийип кетиватқанлиқини һәмдә бу хил апәтләр түпәйлидин келип чиқиватқан иқтисадий зиянниң йилдин ‏- йилға ешип кетиватқанлиқини алаһидә тәкитлигән.

Хәвәрдин мәлум болушичә, уйғур елидә җәмий 500 дин артуқ дәря - еқин болуп, һәр йили яз пәслиниң йетип келиши билән кәлкүн, су апити йүз берип туридикән. Болупму 1996 ‏- йилидин 2002 ‏- йилиға қәдәр йүз бәргән су апәтлири наһайити еғир дәриҗидә болған. Мәсилән, 2002 ‏- йили яз пәслидә уйғур елидики 13 вилайәт вә областта, интайин еғир дәриҗидики су апити йүз бәргән болуп, мәзкур су апитидә 23 адәм һаятидин айрилған; 2005 ‏- йили йүз бәргән су апитидә болса 27 адәм өлүп, 2 адәм из-дерәксиз йоқап кәткән. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт