10 Yildin buyan Uyghur élide yüz bergen su apiti 8 milyard yüendin artuq ziyan élip kelgen


2006.11.07
Share on WhatsApp
Share on WhatsApp

Ötken 10 yil ichide, Uyghur élide az dégende 10 din artuq derya‏ - éqinlarda yüz yildin buyan yoluqup baqmighan kelkün su apetliri yüz bergen hemde mezkur su apetliri tüpeylidin kélip chiqqan iqtisadiy ziyan 8 milyard yüendin éship ketken.

Shinxu'a agéntliqining ürümchidin bergen xewiridin melum bolushiche, ötken 10 yil ichide, Uyghur élide az dégende 10 din artuq derya‏ - éqinlarda yüz yildin buyan yoluqup baqmighan kelkün su apetliri yüz bergen hemde mezkur su apetliri tüpeylidin kélip chiqqan iqtisadiy ziyan 8 milyard yüendin éship ketken.

Aptonom rayonluq su ishlar nazaritining bashliqi su chinping 7 ‏- noyabir küni échilghan aptonom rayonluq xelq hökümitining yighinida 90 ‏- yillardin kéyin Uyghur élidiki hawa kilimatining özgirishi we iqtisadning tereqqiy qilishi bilen teng qurghaqchiliq apiti we su apiti qatarliq tebi'et apetlirining yildin ‏- yilgha köpiyip kétiwatqanliqini hemde bu xil apetler tüpeylidin kélip chiqiwatqan iqtisadiy ziyanning yildin ‏- yilgha éship kétiwatqanliqini alahide tekitligen.

Xewerdin melum bolushiche, Uyghur élide jem'iy 500 din artuq derya - éqin bolup, her yili yaz peslining yétip kélishi bilen kelkün, su apiti yüz bérip turidiken. Bolupmu 1996 ‏- yilidin 2002 ‏- yiligha qeder yüz bergen su apetliri nahayiti éghir derijide bolghan. Mesilen, 2002 ‏- yili yaz peslide Uyghur élidiki 13 wilayet we oblastta, intayin éghir derijidiki su apiti yüz bergen bolup, mezkur su apitide 23 adem hayatidin ayrilghan؛ 2005 ‏- yili yüz bergen su apitide bolsa 27 adem ölüp, 2 adem iz-déreksiz yoqap ketken. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.