Уйғур елиниң җәнуби аз учрайдиған қар апитигә дуч кәлди


2006-11-26
Share

Уйғур елидин игилигән хәвәрләргә қариғанда, бир қанчә күндин буян уйғур елиниң җәнубидики куча, ақту қатарлиқ җайларда тохтимай қаттиқ қар йеғип, йигирмә йилдин бери учримиған қар апити кәлтүрүп чиқарған.

Һазир бәзи җайларда яққан қарниң қелинлиқи 30 сантиметирдин ешип кәткән болуп нурғун өйләр өрүлгән. Һәмдә деһқанларниң 1000 мо әтрапидики көктат парниклирини қар бесивелип бәлгилик иқтисади зиян келип чиққан.

23 - Ноябирдин башлап бу қар апитидә йәнә бәзи қатнаш йоллири тосулуп қалған болуп, 200 чә аптомобил қапсилип қалған, юқири сүрәтлик таш йолларда муз тоңлиған болғачқа қатнаш вәқәлири чиқиш еһтималлиқини күчәйткән. Һәтта бәзи тағ районлирида қарниң қелинлиқи 70 сантиметирға йәткәнликтин қатнаш пүтүнләй үзүлгән.

Гәрчә уйғур ели ахбарат вастилири уйғур елиниң җәнубида еғир қар апити йүз бәргәнлики һәққидә хәвәр елан қиливатқан болсиму әмма қар апитниң кәлтүрүп чиқарған зиянлири һәққидә техи ениқ статистикилиқ мәлумат елан қилмиди. Әмма апәткә учриған җайдики хәлқ, бу қар апитиниң әслидинла һөл йеғин кәм болидиған тәңритеғиниң җәнуби районлири үчүн ейтқанда нәччә он йилдин буян йүз берип бақмиған еғир апәт һесаблинидикән.

Бәзи мутәхәссисләр бу қар апитиниң қизил миң өй қатарлиқ қәдимий асарә - әтиқә орунлирини бәлгилик бузғунчилиққа учритиши мумкинликини илгири сүрмәктә. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт