Uyghur élining jenubi az uchraydighan qar apitige duch keldi


2006-11-26
Share

Uyghur élidin igiligen xewerlerge qarighanda, bir qanche kündin buyan Uyghur élining jenubidiki kucha, aqtu qatarliq jaylarda toxtimay qattiq qar yéghip, yigirme yildin béri uchrimighan qar apiti keltürüp chiqarghan.

Hazir bezi jaylarda yaqqan qarning qélinliqi 30 santimétirdin éship ketken bolup nurghun öyler örülgen. Hemde déhqanlarning 1000 mo etrapidiki köktat parniklirini qar bésiwélip belgilik iqtisadi ziyan kélip chiqqan.

23 - Noyabirdin bashlap bu qar apitide yene bezi qatnash yolliri tosulup qalghan bolup, 200 che aptomobil qapsilip qalghan, yuqiri sür'etlik tash yollarda muz tonglighan bolghachqa qatnash weqeliri chiqish éhtimalliqini kücheytken. Hetta bezi tagh rayonlirida qarning qélinliqi 70 santimétirgha yetkenliktin qatnash pütünley üzülgen.

Gerche Uyghur éli axbarat wastiliri Uyghur élining jenubida éghir qar apiti yüz bergenliki heqqide xewer élan qiliwatqan bolsimu emma qar apitning keltürüp chiqarghan ziyanliri heqqide téxi éniq statistikiliq melumat élan qilmidi. Emma apetke uchrighan jaydiki xelq, bu qar apitining eslidinla höl yéghin kem bolidighan tengritéghining jenubi rayonliri üchün éytqanda nechche on yildin buyan yüz bérip baqmighan éghir apet hésablinidiken.

Bezi mutexessisler bu qar apitining qizil ming öy qatarliq qedimiy asare - etiqe orunlirini belgilik buzghunchiliqqa uchritishi mumkinlikini ilgiri sürmekte. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet