Uyghur aptonum rayoni tebi'iy jughrapiyilik apetlerning aldini élishqa meblegh ajratmaqchi


2007.03.11

Uyghur aptonum rayoni tebi'iy jughrapiyilik apetlerning aldini élishqa meblegh ajratmaqchi

Uyghur aptonum rayonluq da'irilirining élan qilishiche , hökümet bu yil Uyghur élining apetler köp körülidighan 45 nahiye hem sheherlirining apetning aldini élish ishliri üchün jem'iy 39 milyon 900ming yu'en ajritidiken.

Bu meblegh asasliq tash yollarning etrapidiki derya hem östenglerning su singmes qurulushi üchün serp qilinidiken. Statstikigha qarighanda nöwette Uyghur élida apet rayonliri 5000 etrapida bolup 90% déhqanchiliq rayonlirida yeni yéza qishlaqlarda.-2001 Yilidin -2005 yiligha qeder bu jaylarda 457 qétim yüz bergen türlük tebiy apetlerde 54 adem ölgen. Kélip chiqqan biwaste iqtisadi ziyan bir yüz ellik milyon yüen'ge yetken.

Shinxu'a agéntliqining xewiride körsitilishiche , xitay hökümitining bu tür boyiche zor miqdarda meblegh ajritishi asasliq Uyghur élida qurghan 217, hemde 312 dölet tash yollirining kelkün apetliride buzghunchiliqqa uchrishining aldini élish üchün bolup , mushu xildiki yol yasash yaki apetlerning aldini élish östeng qurulushi üchün hashagha ishlitiwatqan déhqanlargha heq bérish yaki ularni apettin qutquzush üchün ishlitilidighanliqi tilgha élinmighan .

Uyghur élidin igilishimizge qarighanda Uyghur déhqanliri hazirgha qeder yol yasash östeng yasashqa oxshash apetning aldini élish namidiki emgeklerge mejburi halda heqsiz hashagha tutulmaqta.(Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.