Uyghur ilide yüz bergen apetlerning ehwali toluq élan qilinmaydu


2008-02-07
Share

Xitay xewer agéntliqi peyshenbe küni, Uyghur ilining qeshqer, qizilsu, xoten qatarliq jaylirida yüz bergen apetning 33 yildin buyan körülüp baqmighan éghir bir apet ikenlikini élan qilip, peqet yuqirida tilgha élin'ghan jaylardila 300 ming ademning apetke uchrighanliqini, 44 ming 550 ming tuyaq charwa malning ölgenlikini , buningdin kélip chiqqan iqtisadi ziyanning 84 milyon yüendin éship ketkenlikini élan qildi.

Gerche xitay teshwiqat wastiliri, hökümetning Uyghur ilide apetke uchrighan xelqni yaxshi orunlashturghanliqini jar sélip kelgen bolsimu, biraq istansimizning biwaste apet rayonlirigha téléfun urup igiligen ehwalliridin qarighanda, Uyghur ilidiki apet ehwali heqqide toluq melumat bérilmigen shundaqla apettin qutquzush ishliri yaxshi élip bérilmighan .

Buningdin sirt, xitay rayonlirida yüz bergen apet ehwali xitay metbu'atlirida keng teshwiq qilin'ghan bolghachqa, bu rayonlarning meyli xitay hökümitining bolsun we yaki xelq'araning bolsun apettin qutquzush yardimige érishish nisbiti shuningdek bir qisim ziyanlarning ornini toluqlash nisbiti intayin yuqiri bolidiken.

Közetküchiler, Uyghur ilide yüz béridighan tebi'iy apet we bashqa seweblerdin meydan'gha kelgen her xil apetlerning toluq statstika buyiche élan qilinmaydighanliqini bildürüsh bilen birge , xitay hükümitining Uyghur ilide yüz bergen her qandaq bir weqeni ashkarilimasliqqa tirishidighanliqini körsetti.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet