Уйғур елидә миллий территорийилик аптономийә қануни музакирә қилинди


2006-08-27
Share

Хитайниң шинхуа агентлиқиниң учуридин мәлум болушичә, хитайниң миллий территорийилик аптономийә қануни йолға қоюлғанлиқиниң 22 йиллиқи мунасивити билән үрүмчидики аптоном районлуқ иҗтимаий пәнләр бирләшмиси қатарлиқ орунлар мәзкур қанунниң иҗра қилиниш нәтиҗилири вә тәҗрибилири һәққидә мәхсус муһакимә йиғини өткүзгән.

Хәвәрдә көрситилишичә, аптоном районлуқ мәмурий органлар вә тәтқиқат вә алий мәктәп орунлириниң бир қисим миллий мәсилә нәзәрийичилири һәм алимлири "миллий территорийилик аптономийә қануни" ниң мукәммәллишиш җәряни һәмдә униң шинҗаңниң җәмийәт иқтисад вә мәдәнийәт ишлиридики зор әһмийитини шәрһләшкән.

Лекин, хитайниң миллий территорийилик аптономийә қануни һәққидә уйғур паалийәтчилириниң инкаси башқичә болуп, уйғур миллий һәрикитиниң рәһбири рабийә қадир өзиниң хитайниң аптономийә сиясити һәққидики баянатида хитай рәһбәрлири йүргүзүватқан миллий территорийилик аптономийә қанунниң нами бар, әмәлийити йоқ, пәқәт қәғәз үстидила қалған нәрсә икәнликини, уйғурларниң һеч қачан хитай һөкүмити вәдә қилған аптономийидин бәһримән болалмиғанлиқини, әксичә, уйғур аптоном райониниң һәммә һоқуқиниң хитайларниң қолида икәнлики, һәтта уйғур аптоном райониниң хизмәт тили дәп етирап қилинған уйғур тилиниңму бүгүнки күндә һөкүмәт ишлирида вә алий мәктәпләрдә ишлитилиштин әмәлдин қалдурулғанлиқини көрсәткән иди.(Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт