Uyghur élide milliy térritoriyilik aptonomiye qanuni muzakire qilindi


2006.08.27
Share on WhatsApp
Share on WhatsApp

Xitayning shinxu'a agéntliqining uchuridin melum bolushiche, xitayning milliy térritoriyilik aptonomiye qanuni yolgha qoyulghanliqining 22 yilliqi munasiwiti bilen ürümchidiki aptonom rayonluq ijtima'iy penler birleshmisi qatarliq orunlar mezkur qanunning ijra qilinish netijiliri we tejribiliri heqqide mexsus muhakime yighini ötküzgen.

Xewerde körsitilishiche, aptonom rayonluq memuriy organlar we tetqiqat we aliy mektep orunlirining bir qisim milliy mesile nezeriyichiliri hem alimliri "milliy térritoriyilik aptonomiye qanuni" ning mukemmellishish jeryani hemde uning shinjangning jem'iyet iqtisad we medeniyet ishliridiki zor ehmiyitini sherhleshken.

Lékin, xitayning milliy térritoriyilik aptonomiye qanuni heqqide Uyghur pa'aliyetchilirining inkasi bashqiche bolup, Uyghur milliy herikitining rehbiri rabiye qadir özining xitayning aptonomiye siyasiti heqqidiki bayanatida xitay rehberliri yürgüzüwatqan milliy térritoriyilik aptonomiye qanunning nami bar, emeliyiti yoq, peqet qeghez üstidila qalghan nerse ikenlikini, Uyghurlarning héch qachan xitay hökümiti wede qilghan aptonomiyidin behrimen bolalmighanliqini, eksiche, Uyghur aptonom rayonining hemme hoquqining xitaylarning qolida ikenliki, hetta Uyghur aptonom rayonining xizmet tili dep étirap qilin'ghan Uyghur tiliningmu bügünki künde hökümet ishlirida we aliy mekteplerde ishlitilishtin emeldin qaldurulghanliqini körsetken idi.(Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.