Xé luli Uyghur élige milliy téritoriyilik aptonomiye qanunining ijrasini tekshürüshke keldi


2006.09.03
Share on WhatsApp
Share on WhatsApp

Xitayning memliketlik xelq qurultiyi da'imiy komitétining mu'awin bashliqi xé luli bashchiliqidiki xelq qurultiyi da'imiy komitéti milliy téritoriyilik aptonomiye qanunining ijrasini tekshürüsh guruppisi 31‏-awghust küni ürümchige yétip kélip, Uyghur élidiki 11 künlük qanun ijrasini tekshürüsh xizmitini bashlighan.

Uyghur aptonom rayonluq xelq qurultiyi da'imiy komitétining mudiri abduréhim hamid bu tekshürüsh guruppisigha atap orunlashturulghan doklat bérish yighinigha riyasetchilik qildi hemde yighinda aptonom rayonluq xelq qurultiyi da'imiy komitét rehberliri Uyghur aptonom rayonida milliy téritoriyilik aptonomiye qanunining izchil yolgha qoyuliwatqanliqi heqqide doklat berdi.

Xitay xewer agéntliqining melum qilishiche, xé luli doklatni anglighandin kéyin mundaq dégen‏ ‏" milliy téritoriyilik aptonomiye qanuni élan qilinip yolgha qoyulghan 22 yildin buyan, memliketlik xelq qurultiyi da'imiy komitéti tunji qétim qanun ijrasini tekshürüshni yolgha qoydi, bu merkez milletler xizmiti yighinining rohini chongqur izchillashturup milliy téritoriyilik aptonomiye qanunini izchillashturush we yolgha qoyushni algha siljitish, milliy rayonlarning iqtisadiy, ijtima'iy tereqqiyatini ilgiri sürüshte türtkilik rol oynaydu".

Uyghur közetküchiler xitayning Uyghur élide milliy téritoriyilik aptonomiye qanunining ijrasini tekshürüshke ayrim guruppa ewetishige, nurghun gherp elliri we kishilik hoquq teshkilatlirining xitay hökümitini milliy téritoriyilik aptonomiye qanunini yaxshi emeliyleshtürmigenliki heqqide eyibleshlirining sewep bolghan bolishi mumkinlikini körsetmekte. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.