Rabiye qadir xanim aqsarayda


2007-07-03
Share

Rabiye qadir xanim bügün aqsarayda prézidént bushning ayali lora bush bilen körüshti. Mrs. Bush meets with Rabiya Kadeer on July 3rd, 2007 / Photo by UAA

Uyghur milliy herikitining rehbiri we dunya Uyghur qurultiyining re'isi rabiye qadir xanim bügün aqsarayda prézidént bushning ayali lora bush xanimning ishxana mudiri anita mékbrayt bilen körüshüp, Uyghurlarning nöwettiki ehwali , xitay hökümitining Uyghurlargha qaratqan basturush siyasiti heqqide melumat berdi. Söhbet jeryanida lora bush xanim ishxanigha kirip, rabiye qadir xanim bilen alahide körüshti.

Dunya Uyghur qurultiyi mes'ullirining bildürüshiche, rabiye qadir xanim aqsaraydiki söhbette, xitay hökümitining éshinchi emgek küchlirini yötkesh siyasiti ramkisi ichide, Uyghur qizlirini ichkiri ölkilerge yötkesh siyasiti, Uyghur siyasiy mehbuslar mesilisi, bolupmu türmilerdiki soraq jeryanida qattiq qiyin-qistaq astida ölgen Uyghurlarni özini öltürüwaldi yaki késel bilen öldi, dep ularning jesetlirini a'ililirige tapshurup bériwatqanliqi we xitay hökümitining Uyghurlarning pasportlirini yéghiwilishi qatarliq Uyghurlar nöwette duch kéliwatqan muhim mesililerni otturigha qoyghan.

Uyghur milliy herikitining rehbiri we dunya Uyghur qurultiyining re'isi rabiye qadir xanim, 6‏- iyun küni chéx jumhuriyitining paytexti praga shehiride, amérika prézidénti jorj bush bilen körüshkinide, lora bush xanim bilen semimiy bir dostluq ornatqan idi.

Köpchilikke melum bolghandek, prézidént bush pragadiki uchrishishtin burun, chéx jumhuriyitining sabiq prézidénti waslaw hawel teripidin teshkillen'gen xelq'araliq kishilik hoquq yighinida qilghan sözide, rabiye qadir xanimgha yuqiri baha bergen. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet