Qara 2 - tebi'iy gazliqida partlash yüz bérip, ikki adem öldi


2005.06.05
Share on WhatsApp
Share on WhatsApp

Aqsuning bay nahiyisi qizil yézisigha jaylashqan qara 2 - tebi'iy gazliqning merkizi bir terep qilish zawutidiki üsküne partlap, ikki ademning ölishi we toqquz ademning éghir yarilinishini keltürüp chiqardi.

Xitayning shinxu'a agéntliqining xewirige qarighanda, partlash weqesi 3 - may küni chüshtin kiyin, zawut da'irilirining ikki dane tebiy gaz prislash üskünisi orunlashturup, sinaq teriqiside ishlitish jeryanida yüz bergen.

Qara tebi'iy gazliqi, xitayning gherbning gézini sherqqe yötkesh qurulushidiki asasliq tebiy gaz élish meydani bolup, weqe sewebidin gaz teminlesh ishliri waqtinche toxtap qalghan. Xitay néfit shirkitining bildürishiche, gaz teminleshning eslige kélishi üchün üch kündin besh kün'giche waqit kétidiken.

Xitay da'iriliri nöwette weqe yüz bérishining sewebi we weqening keltürüp chiqarghan iqtisadiy ziyanlirini tekshürmekte.

Qara 2 - tebi'iyi gazliqining éniqlan'ghan zapas miqdari 284 milyard küp métir kélidu. Xitay hökümiti bu tebiy gazliq arqiliq changjyang deryasining töwenki éqimlirini gaz bilen teminlimekte.

Xitay hökümiti gerche gherbning gézini sherqqe yötkesh qurulushini gherbni échish we tereqqi qildurush pilanining bir qismi dep bildüriwatqan bolsimu, biraq yerlik Uyghurlar buni Uyghur élining tebi'iy bayliqlirini xalighanche bulang - talang qilish dep qarimaqta. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet