Әсқәр ақайефниң тәхттин чүшүши, уйғурларға үмид беғишлимақта


2005.03.31
Share on WhatsApp
Share on WhatsApp

Ингилизчә чиқидиған "асия вақти гезити" дә йеқинда елан қилинған бир парчә мақалида, қирғизистандики өктичиләр инқилабиниң ғәлибә қилишиниң уйғурларға үмид беғишлаватқанлиқи көрситилгән.

Н т тарими тәрипидин йезилған мәзкур мақалидә ейтилишичә, нурғун уйғур паалийәтчилири, қирғизистан йеңи һөкүмитиниң уйғурларға әсқәр ақайеф дәвридикидин пәрқлиқ сиясәт қоллинишиға үмид билән қаримақта. Чүнки йеңидин һоқуқ игилигән өктичиләр, әсқәр ақайефниң илгири хитай һөкүмити билән һәмкарлишип, уйғурларниң сиясий вә демократик һәрикәтлирини бастуруш сияситини очуқ әйиблигән.

Мақалидә тәкитлинишичә, қирғизистанниң ағдурулған президенти әсқәр ақайеф гәрчә дәсләптә һәр қайси милләтләрниң ортақ, баравәр тәрәққий қилиш һоқуқиға игә икәнликини билдүргән болсиму, бирақ кейинчә хитай һөкүмитиниң бесими астида, хитайдин алидиған иқтисадий мәнпәәтләрниң бәдилигә уйғурларни сетивәткән.

Мақалидә йәкүнлинишичә, әсқәр ақайефниң тәхттин чүшүп, уйғурларниң демократик һәрикәтлирини қоллайдиған өктичиләрниң һакимийәт бешиға чиқиши, уйғурларға йеңи үмидләрни елип кәлгән. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.