Xitay az sanliq milletler medeniyitige qarita assimilyatsiye qilish siyasitini ret qildi


2006-09-21
Share

Xitay döletlik milliy ishlar komitétining mu'awin mudiri, 21 ‏- séntebir küni, muxbirlarni kütiwélish yighinida söz qilip, jonggu hökümitining héchqachan, az sanliq milletler medeniyitige qarita assimilyatsiye we tosqunluq qilish siyasiti yürgüzmigenlikini bildürdi.

En'giliye radi'o - téléwiziye shirkiti b b s ning bildürishiche, mezkur xitay emeldari, xitay hökümitining az sanliq milletlerning örp ‏- adetlirige hörmet qilip kelgenlikini, biraq bir milletning medeniyitini qoghdiduq dep, bu milletni dunyadin ayriwitishke bolmaydighanliqini tekitligen.

Nöwette, az sanliq milletler rayonlirida bolupmu Uyghur, tibet, mongghul qatarliq milletlerning ma'aripini xitaychilashturush siyasiti yolgha qoyuliwatqan bolup, xitay bolmighan milletler medeniyitining yoqilip kétish giradawigha qarap méngiwatqanliqi xelq'araning küchlük diqqitini qozghawatqan muhim mesililerning biri bolup qaldi.

Merkizi agéntliq, xitay milliy ishlar rehbirining sözini neqil keltürüp "xitayda millet neziryisi we milli siyaset yolgha qoyulush bilen birge, barawerlik, ittipaqliq mewjut, méning qarishimche, bizning siyasitimiz medeniyetni assimilyatsiye qilish emes belki medeniyetni tereqqi qildurush mesilisi" dédi.

Dunya medeniyitige hesse qoshqan Uyghur milliti, ma'arip, medeniyet we tenterbiye saheliride zor netijilerni meydan'gha keltürgen bolup, biraq xitay hökümiti, Uyghurlarning ma'arip sewiysi hazirqi pen - medeniyet dewrige mas kelmeydu, dégen bahane bilen ali mektep, ottura mektep hetta bashlan'ghuch mekteptin bashlap, Uyghurlarni xitayche oqutush siyasitini yolgha qoydi.

Chet'ellerdiki Uyghur kishilik hoquq pa'aliyetchiliri, buninggha qattiq narazliq bildürüp, xitay hökümitining Uyghurlargha qarita assimilyatsiye qilish siyasiti élip bériwatqanliqini dunya jama'etchilikige ashkarilidi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet