Австралийидики намайишта уйғурлар билән хитайлар арисида җедәл чиққан

‏24 - Април күни австралийидә елип берилған бейҗиң олимпикиниң мәшәл узутуш паалийитидә, паалийәтни қоллиғучи хитай намайишчилар билән паалийәткә қаршилиқ билдүргән уйғур намайишчилар арисида җедәл чиққан.
Мухбиримиз шөһрәт һошур хәвири
2008.04.24

  Бу күнки намайишқа иштирак қилған паалийәтни қоллиғучи хитайларниң сани 8000 әтрапида, қарши намайиш қилған уйғурларниң сани 150 әтрапида болуп, икки тәрәп намайиш җәрянида бир - биригә үзлүксиз хирис қилған. Сақчилар икки тәрәпни йол бойи аҗритип маңған. Хитай намайишчилар сан җәһәттики үстүнлүки билән һәйвә қилса уйғур намайишчилар өзлириниң исянкар миллий характери билән қарши тәрәпкә һәйвә көрсәткән.

Ай юлтузлуқ көк байрақ көтүргән бир намайишчи, бир хитай намайишчиниң қолидики бәш юлтузлуқ қизил байриқини тартип елип йәргә атқан. Икки тәрәп арисидики җедәлдә бир хитай намайишчи уруп дәссиветилгән болуп, бир уйғур намайишчиниң йүзи зәхимләнгән. Нурмуһәммәт исимлик бир уйғур намайишчи сақчилар тәрипидин елип кетилгән.
 
 Уйғур намайишчилар арисида 20 гә йеқин өсмүр болуп, уларниң намайиш җәрянидики җәңгивар роһий һалити әтраптикиләрниң диққитини тартқан. Бу намайишқа 500 әтрапида тибәтликму қатнашқан.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.