Awstraliyidiki namayishta Uyghurlar bilen xitaylar arisida jédel chiqqan

  Bu künki namayishqa ishtirak qilghan pa'aliyetni qollighuchi xitaylarning sani 8000 etrapida, qarshi namayish qilghan Uyghurlarning sani 150 etrapida bolup, ikki terep namayish jeryanida bir - birige üzlüksiz xiris qilghan. Saqchilar ikki terepni yol boyi ajritip mangghan. Xitay namayishchilar san jehettiki üstünlüki bilen heywe qilsa Uyghur namayishchilar özlirining isyankar milliy xaraktéri bilen qarshi terepke heywe körsetken.

Ay yultuzluq kök bayraq kötürgen bir namayishchi, bir xitay namayishchining qolidiki besh yultuzluq qizil bayriqini tartip élip yerge atqan. Ikki terep arisidiki jédelde bir xitay namayishchi urup dessiwétilgen bolup, bir Uyghur namayishchining yüzi zeximlen'gen. Nurmuhemmet isimlik bir Uyghur namayishchi saqchilar teripidin élip kétilgen.
 
 Uyghur namayishchilar arisida 20 ge yéqin ösmür bolup, ularning namayish jeryanidiki jenggiwar rohiy haliti etraptikilerning diqqitini tartqan. Bu namayishqa 500 etrapida tibetlikmu qatnashqan.