Нур бәкри нәширият саһәсигә болған контроллуқни күчәйтидикән


2004-09-16
Share

Уйғур аптунум раюнлуқ парткомниң муавин рәиси нур бәкри чаршәнбә күни ечилған уйғур аптунум раюнлуқ нәширият хизмити йиғинида уйғур елидики нәширият саһәсигә болған контроллуқни күчәйтидиғанлиқини билдүрди.

Хитай компартийисигә қарашлиқ тәңритағ тор бетиниң йиғиндики мәлуматларни нәқил кәлтүришичә, уйғур елида чиқиватқан нәширият боюмлири ичидә, сияси йөлүнүш характерлик хаталиқларға йол қоюлған, сүпити төвән боюмлар көп икән.

Хитай даирилири хәвәрдә " бир қисим нәширият орунлириниң нуқул һалда иқтисади мәнпәәтни қоғлушуп, хитай компартийиси йүклигән вәзипини унтуп қалғанлиқи, бу хил әһвалларни кәлтүрүп чиқириватқан асаслиқ сәвәп " дәп көрсәткән.

Нур бәкри йиғинда нәширият саһәсини чоқум түзәйдиғанлиқини билдүрүп, бу хитайниң вә уйғур аптунум раюниниң муқимлиқиға четишлиқ чоң иш дәп тәкитлигән. Хитай һөкүмити өзи халимиған мәзмунлардики нәширият боюмлирини чәкләп, пуқраларниң сөз вә мәтбуат әркинликини буғиватқанлиқи хәлқара тәшкилатлар тәрипидин әйиплинип кәлмәктә. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт