Nur bekri neshiriyat sahesige bolghan kontrolluqni kücheytidiken

Uyghur aptunum rayunluq partkomning mu'awin re'isi nur bekri charshenbe küni échilghan Uyghur aptunum rayunluq neshiriyat xizmiti yighinida Uyghur élidiki neshiriyat sahesige bolghan kontrolluqni kücheytidighanliqini bildürdi.

Xitay kompartiyisige qarashliq tengritagh tor bétining yighindiki melumatlarni neqil keltürishiche, Uyghur élida chiqiwatqan neshiriyat boyumliri ichide, siyasi yölünüsh xaraktérlik xataliqlargha yol qoyulghan, süpiti töwen boyumlar köp iken.

Xitay da'iriliri xewerde " bir qisim neshiriyat orunlirining nuqul halda iqtisadi menpe'etni qoghlushup, xitay kompartiyisi yükligen wezipini untup qalghanliqi, bu xil ehwallarni keltürüp chiqiriwatqan asasliq sewep " dep körsetken.

Nur bekri yighinda neshiriyat sahesini choqum tüzeydighanliqini bildürüp, bu xitayning we Uyghur aptunum rayunining muqimliqigha chétishliq chong ish dep tekitligen. Xitay hökümiti özi xalimighan mezmunlardiki neshiriyat boyumlirini cheklep, puqralarning söz we metbu'at erkinlikini bughiwatqanliqi xelqara teshkilatlar teripidin eyiplinip kelmekte. (Arzu)