خىتاي ئۇيغۇر ئېلىدە چەتئەل سۈنئىي ھەمراھ تېلېۋىزىيە ئىستانسىلىرىنى توسىماقتا
2005.08.03
دۇنيا ئۇيغۇر قۇرۇلتىيىنىڭ باياناتچىسى دىلشات رىشىتنىڭ بىلدۈرۈشىچە، بېيجىڭ ھۆكۈمىتى ئۇيغۇر ئاپتونوم رايونى قۇرۇلغانلىقىنىڭ 50 يىللىقى مەزگىلىدە، ئۇيغۇر ئېلىنىڭ جەمئىيەت ئامانلىقىنى كاپالەتكە ئىگە قىلىش ئۈچۈن، يېقىندا بىر ھۆججەت چۈشۈرۈپ، ئۇيغۇر ئېلىدىكى قانۇن ئىجرا قىلغۇچى ئورگانلارنىڭ چەتئەل سۈنئىي ھەمرا تېلېۋىزىيە ئەسلىھەرلىرى ئۈستىدىن تەلتۆكۈس تەكشۈرۈپ ئېلىپ بېرىشىنى، شۇنداقلا ئۇيغۇر ئېلى خەلقىنىڭ رۇخسەتسىز ھالدا چەتئەل خەۋەرلىرىنى كۆرۈشىنى پۈتۈنلەي توسىشىنى تەلەپ قىلغان.
تەيۋەن مەركىزىي ئاخبارات ئاگېنتلىقىنىڭ دىلشات رىشىتنىڭ سۆزىنى نەقىل كەلتۈرۈشىچە، خىتاي دۆلەت كابېنتى ئۆتكەن يىلىنىڭ ئاخىرىدا 86 - نومۇرلۇق بۇ ھۆججەتنى چۈشۈرۈپ، ئۇيغۇر ئېلىدىكى سودا- سانائەت ۋە جامائەت خەۋپسىزلىك ئورۇنلىرىنىڭ بۇ بەلگىلىمە بويىچە چەتئەل سۈنئىي ھەمرا تېلېۋىزىيە ئەسلىھەلىرىنى بولۇپمۇ تەيۋەننىڭ قاناللىرىنى توسىشىنى بۇيرۇق قىلغان.
دىلشات رىشىت يەنە، گەرچە خىتاي ھۆكۈمىتى چۈشۈرگەن بۇ ھۆججەت دەرھال ئىجرا قىلىنمىغان بولسىمۇ، ئەمما خىتاي ھۆكۈمىتى ئۇيغۇر ئاپتونوم رايونى قۇرۇلغانلىقىنىڭ 50 يىللىقى يېتىپ كېلىش ھارپىسىدا، بۇ بەلگىلىمىنى ئالاھىدە چىڭ تۇتىۋاتقانلىقىنى بىلدۈردى. (پەرىدە)
مۇناسىۋەتلىك ماقالىلار
- خىتاي دۇنيا سەھىيە تەشكىلاتىنىڭ ئۇيغۇر ئېلىگە بېرىش تەلىپىگە جاۋاب بەرمىدى
- ئۇيغۇر ئېلىدە ئىنتېرنېت تور پونكىتلىرىنىڭ 95٪ ئى خىتايچە چىقىدىكەن
- ب ب س پروگراممىسىدىكى ئۇيغۇرلارغا مۇناسىۋەتلىك خەۋەرلەر خىتاي دائىرىلىرىنىڭ چەكلىشىگە ئۇچرىدى
- خىتاي ھۆكۈمىتى ئۇيغۇر ئېلىدە مەتبۇئات ساھەسىدە تازىلاش ھەرىكىتىنى باشلىدى