Хитай уйғур елидә чәтәл сүний һәмраһ телевизийә истансилирини тосимақта


2005-08-03
Share

Дуня уйғур қурултийиниң баянатчиси дилшат ришитниң билдүрүшичә, бейҗиң һөкүмити уйғур аптоном райони қурулғанлиқиниң 50 йиллиқи мәзгилидә, уйғур елиниң җәмийәт аманлиқини капаләткә игә қилиш үчүн, йеқинда бир һөҗҗәт чүшүрүп, уйғур елидики қанун иҗра қилғучи органларниң чәтәл сүний һәмра телевизийә әслиһәрлири үстидин тәлтөкүс тәкшүрүп елип беришини, шундақла уйғур ели хәлқиниң рухсәтсиз һалда чәтәл хәвәрлирини көрүшини пүтүнләй тосишини тәләп қилған.

Тәйвән мәркизий ахбарат агентлиқиниң дилшат ришитниң сөзини нәқил кәлтүрүшичә, хитай дөләт кабенти өткән йилиниң ахирида 86 - номурлуқ бу һөҗҗәтни чүшүрүп, уйғур елидики сода- санаәт вә җамаәт хәвпсизлик орунлириниң бу бәлгилимә бойичә чәтәл сүний һәмра телевизийә әслиһәлирини болупму тәйвәнниң қаналлирини тосишини буйруқ қилған.

Дилшат ришит йәнә, гәрчә хитай һөкүмити чүшүргән бу һөҗҗәт дәрһал иҗра қилинмиған болсиму, әмма хитай һөкүмити уйғур аптоном райони қурулғанлиқиниң 50 йиллиқи йетип келиш һарписида, бу бәлгилимини алаһидә чиң тутиватқанлиқини билдүрди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт