Xitay Uyghur élide chet'el sün'iy hemrah téléwiziye istansilirini tosimaqta

Dunya Uyghur qurultiyining bayanatchisi dilshat rishitning bildürüshiche, béyjing hökümiti Uyghur aptonom rayoni qurulghanliqining 50 yilliqi mezgilide, Uyghur élining jem'iyet amanliqini kapaletke ige qilish üchün, yéqinda bir höjjet chüshürüp, Uyghur élidiki qanun ijra qilghuchi organlarning chet'el sün'iy hemra téléwiziye esliherliri üstidin teltöküs tekshürüp élip bérishini, shundaqla Uyghur éli xelqining ruxsetsiz halda chet'el xewerlirini körüshini pütünley tosishini telep qilghan.

Teywen merkiziy axbarat agéntliqining dilshat rishitning sözini neqil keltürüshiche, xitay dölet kabénti ötken yilining axirida 86 - nomurluq bu höjjetni chüshürüp, Uyghur élidiki soda- sana'et we jama'et xewpsizlik orunlirining bu belgilime boyiche chet'el sün'iy hemra téléwiziye eslihelirini bolupmu teywenning qanallirini tosishini buyruq qilghan.

Dilshat rishit yene, gerche xitay hökümiti chüshürgen bu höjjet derhal ijra qilinmighan bolsimu, emma xitay hökümiti Uyghur aptonom rayoni qurulghanliqining 50 yilliqi yétip kélish harpisida, bu belgilimini alahide ching tutiwatqanliqini bildürdi. (Peride)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar