Чәтәл мухбирлири уйғур ели вә тибәттә йәнила қийинчилиққа дуч кәлмәктә

2007-12-31
Елхәт
Пикир
Share
Принт

Бирләшмә агентлиқиниң бүгүн йәни 31 ‏- декабир бейҗиңдин хәвәр қилишичә, бейҗиңдики чәтәл мухбирлири кулуби, 31 ‏- декабир доклат елан қилип, хитай йеңи ахбарат түзүмини йолға қойғанлиқини билдүргән болсиму, чәтәл мухбирлириниң йәнила тосқунлуққа учраватқанлиқини билдүргән.

Хитай олимпикни өткүзүвалғанда бәргән вәдисигә асасән, йеңи ахбарат түзүми бәлгилигән, бу бәлгилимә буйичә, чәтәл мухбирлири хитай тәвәликидики һәр қандақ йәрни зиярәт қилалайдиған, зиярәт җәрянида һечқандақ тосалғуға учримайдиған болған вә бу йеңи түзүм, олимпик ахирлашқанға қәдәр йәни 2008 ‏- йили 17 ‏- өктәбиргә қәдәр иҗра қилинидиған болған.

FCCC Йәни хитайдики чәтәл мухбирлири кулубиниң билдүрүшичә, чәтәл мухбирлири хитайда давамлиқ түрдә тосалғуға учримақта. FCCC Ниң доклатида билдүрүлүшичә, 2007 ‏- йили ичидә 180 дин артуқ мухбир хитайниң һәрқайси җайлирида, йәрлик пуқрачә кийингән сақчиларниң уруш, тиллаш, қорқитиш қатарлиқ муамилисигә дуч кәлгән. Бейҗиңдики бир йиғивелиш орнини зиярәт қиливатқан икки мухбир, 10 ға йеқин салаһийити намәлум кишиниң қоршавида қалған вә уруп қоғлап чиқирилған. Бу йиғивелиш орни, хитайниң һәр қайси җайлиридин мәркәзгә әрз сунушқа кәлгән бир қисим әрзийәтчиләр қамап қоюлған җай болуп, хитайниң ахбарат саһәсидин қачуридиған назук җайлардин биридур.

Мәзкур кулубниң билдүрүшичә, нөвәттә, хитайда, мухбирлар әң қаттиқ назарәт астиға елиниватқан, һәтта, бәзидә сақчилар тәрипидин қамаққа елиниватқан җай, уйғур ели вә тибәт болуп, йеңи ахбарат түзүми бу районларға азрақму тәсирини көрситәлмигән. (Шөһрәт һошур)

Пикирләр (0)
Share
Толуқ бәт