Chet'el muxbirliri Uyghur éli we tibette yenila qiyinchiliqqa duch kelmekte
2007.12.31
Birleshme agéntliqining bügün yeni 31 - dékabir béyjingdin xewer qilishiche, béyjingdiki chet'el muxbirliri kulubi, 31 - dékabir doklat élan qilip, xitay yéngi axbarat tüzümini yolgha qoyghanliqini bildürgen bolsimu, chet'el muxbirlirining yenila tosqunluqqa uchrawatqanliqini bildürgen.
Xitay olimpikni ötküzüwalghanda bergen wedisige asasen, yéngi axbarat tüzümi belgiligen, bu belgilime buyiche, chet'el muxbirliri xitay tewelikidiki her qandaq yerni ziyaret qilalaydighan, ziyaret jeryanida héchqandaq tosalghugha uchrimaydighan bolghan we bu yéngi tüzüm, olimpik axirlashqan'gha qeder yeni 2008 - yili 17 - öktebirge qeder ijra qilinidighan bolghan.
FCCC Yeni xitaydiki chet'el muxbirliri kulubining bildürüshiche, chet'el muxbirliri xitayda dawamliq türde tosalghugha uchrimaqta. FCCC Ning doklatida bildürülüshiche, 2007 - yili ichide 180 din artuq muxbir xitayning herqaysi jaylirida, yerlik puqrache kiyin'gen saqchilarning urush, tillash, qorqitish qatarliq mu'amilisige duch kelgen. Béyjingdiki bir yighiwélish ornini ziyaret qiliwatqan ikki muxbir, 10 gha yéqin salahiyiti namelum kishining qorshawida qalghan we urup qoghlap chiqirilghan. Bu yighiwélish orni, xitayning her qaysi jayliridin merkezge erz sunushqa kelgen bir qisim erziyetchiler qamap qoyulghan jay bolup, xitayning axbarat sahesidin qachuridighan nazuk jaylardin biridur.
Mezkur kulubning bildürüshiche, nöwette, xitayda, muxbirlar eng qattiq nazaret astigha éliniwatqan, hetta, bezide saqchilar teripidin qamaqqa éliniwatqan jay, Uyghur éli we tibet bolup, yéngi axbarat tüzümi bu rayonlargha azraqmu tesirini körsitelmigen. (Shöhret hoshur)
Munasiwetlik maqalilar
- Kishilik hoquq teshkilatliri xitayni, meshhur eydiz pa'aliyetchisi xu jyani qoyup bérishke chaqirdi
- Chégrisiz muxbirlar teshkilati : xitay özining yéngi axbarat belgilimisige hörmet qilish kérek
- Uyghur ilidiki idare, jem'iyetlerge xizmetchi alghanda din'gha ishenmeydighanlarni tallash telep qilin'ghan
- Xongkong démokratliri xongkongni démokratik idare qilishqa qistimaqta
- Kishilik hoquqni közitish teshkilati amérika hökümitidin, xitayning kishilik hoqoqi heqqidiki teleplirini otturigha qoydi
- Chégrisiz muxbirlar teshkilati yawropa parlaméntning xitayda pikir erkinlikini yolgha qoyush heqqidiki qarar layihisini alqishlidi
- Kishilik hoquq birinchi ittipaqi xitayning intérnétni cheklesh heriketlirini eyiblidi
- Axbarat erkinlik teshkilati xitaygha kirgüzülmidi
- Teywende siyasiy jinayetchiler türmisi kishlik hoquq baghchisigha özgertildi
- Xelq'ara muxbirlar teshkilati olimpik komitétini xitay mesiliside eyiblidi