Xitay da'iriliri rabiye qadirning ürümchidiki soda sariyini axturdi


2005.05.13
Share on WhatsApp
Share on WhatsApp

Xitay saqchilar peyshenbe küni bu yil 3 - ayda türmidin qoyup bérilgen meshhur kishilik hoquq pa'aliyetchisi rabiye qadirning ürümchidiki soda sariyigha bésip kirip, "eqide shirketler guruhi" ning ishxanisidiki höjjet, toxtamname we arxiplarni shundaqla bixeterlik sanduqidiki 32 ming som pulni élip ketken. Rabiye qadirning oghli ablikim saqchilarning qolgha élish tehditige duch kelgendin kéyin qéchip kétishke mejbur bolghan.

Buningdin bir kün burun rabiye qadir soda shirkitining ikki xadimi saqchilar teripidin qolgha élin'ghan idi. Shu küni saqchilar jonggo bankisining bir xadimi bilen bir amanet qerz wakaletchilik shirketning mes'ulini qolgha élip, rabiye qadirning shirkitini qerz sommisi bilen teminlidi, dep eyibligen.

Igilishimizche qolgha élin'ghanlar jonggo bankisining ürümchi shöbisidiki amanet qerz tartiqish bölümining mudiri kerime bilen, jongyü'en wéyyöy amanet qerz ishlar wakaletchilik shirkitining mes'uli shüy pemililik ayal iken. Yuqiriqilar, "eqide shirketler guruhi" gha bérilgen banka amanet - qerz toxtimini bikar qilishni ret qilghandin kéyin qolgha élin'ghan.

Xelq'ara kechürüm teshkilatining washin'gtondiki xadimi t .Kumar, " bu heriketning meqsidi rabiye qadirning aghizini étish shundaqla uning tijaritige buzghunchiliq qilish," dep körsetti.

Rabiye qadirning ashkarilishiche, da'iriler uni bu yil 3 - ayda qoyup bérishtin burun , "eger sen amérika barghandin kéyin Uyghurlargha da'ir sezgür mesililerni tilgha alsang , ürümchidiki tijariting we bala - chaqiliringni weyran qiliwétimiz," dep tehdit salghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.