Chet'el teshkilatliri Uyghur élidiki ayallarning hoquq - menpe'etini qoghdash pa'aliyitige guman bilen qarimaqta


2007-03-04
Share

Uyghur élide "8- mart" ayallarning hoquq - menpe'etini qoghdash heptiliki pa'aliyiti bilen ayallargha qanun sawat léksiyisi uyushturush pa'aliyiti ötküziliwatqan bolup, mezkur pa'aliyetke nechche yüzligen déhqan ayal qatnashqan.

Xitay xewer wastilirining 4 ‏- mart küni bérilgen xewerliridin akarilinishiche, ayallarning hoquq - menpe'etini qoghdash pa'aliyiti 8 kün dawamlashqandin sirt, aptonum rayonluq ayallar birleshmisi erz - shikayet qobul qilish ishxanisi teripidin adwokatlar teklip qilinip, erz éytip kelgen ayallargha qanun bilimliridin meslihet bérilidiken.

Bu arida merkizi gérmaniyidiki dunya Uyghur qurultiyi , ayallar komitétining wekilliri istansimizning ziyaritini qobul qilip, Uyghur ayallirining hoquq - menpe'etini qoghdash shuningdek ulargha qanun sawat léksiyisi uyushturushning héchqandaq emiliy ünüm bermeydighanliqini bildürdi.

D u q ayallar kométisi wekillirining éytishiche, nöwette Uyghur ayalliri özlirining eng eqelli hoquqliridin biri hésablan'ghan perzent körüsh hoquqidin mehrum qalghan bolup, ularning ikkidin artuq perzent körüshi, biwaste dölet pilanliq tughut komitéti teripidin cheklinish bilen birge, hetta pilandin sirt perzent körgüchiler, xizmettin qoghlinish, iqtisadiy jerimane tölesh qatarliq jazalar bilen jazalinidiken.

Ayallarning erz shikayetlrining héchqachan muwapiq bir terep qilinip baqmighanli'iqni tekitligen wekiller yene, ayallargha qanun sawat bilimlirini ögitish dégenlik, xitay hökümitining qanuni boyiche ish körüshni ögitish bolup, ulargha héchqachan kishilik hoquq, bolupmu ayallar behrimen bolushqa tégishlik hoquqlar heqqide sawat bérilmeydighanliqini tekitlidi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet