Уйғур елидики аялларниң һоқуқида өзгириш мәйданға келәмду ?


2006.08.03
Share on WhatsApp
Share on WhatsApp

Аптонум районлуқ аяллар бирләшмиси, буниңдин кейин, уйғур елида той қилиш, һамилдар болуш, туғут дәм елиши, бала имитиш қатарлиқ әһвалларни баһанә қилип , аял ишчи - хизмәтчиләрни хизмәттин бошитивишни мәний қилиш һәққидә қарар чиқарди.

Хитай хәвәр агентлиқиниң бу һәқтә бәргән хәвиридин мәлум болушичә, әгәр аялларниң юқирида тилға елинған һоқуқлири дәхли - тәрузгә учриса қанун бойичә бир тәрәп қилинидикән.

Уйғур милли һәрикитиниң рәһбири вә кишилик һоқуқ паалийәтчиси рабийә қадир ханимниң билдүрүшичә, уйғур аяллириниң юқириқидәк һоқуқи узун йиллардин бери қаттиқ дәпсәндә қилинған болуп, болупму хитай һөкүмитиниң пиланлиқ туғут сиясити шәрқий түркистанда аялларға әң еғир ақивәтләрни кәлтүрүп чиқарған. Һәтта 8 айлиқ һамилиләрму пилансиз дәп һесабланса қосақтин опиратсийә қилип елип ташлинидиған әһваллар көрүлгән.

Уйғур сиясий паалийәтчилири, аптоном районлуқ аяллар бирләшмиси тәрипидин чиқирилған мәзкүр қарарни, хәлқара тәшкилатларниң , хитайда аялларға берилгән һоқуқ шуниңдәк хитай һөкүмити йолға қоюватқан пиланлиқ туғут сиясситигә көрсәткән бесимидин кейин чиқирилған болушиму мумкин дәп пәрәз қилишмақта шундақла мәзкүр қарарниң әмәлийлишишигә гуман билән қаримақта .

Аптоном районлуқ аяллар бирләшмиси тәрипидин аялларға берилгән бу бирқанчә имтияз, чәтәлләрдә аяллар үчүн әң әқәллий һоқуқлардин болуп һесаблиниду. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.